ÇEVİRİSİ:
Bin
kuruş ve daha ziyade meblağ veya kıymeti
havi hüccet tahririne mahsus varakadır.
Kımeti
on
kuruştur
21
Mart 322
Mehmet
Emin bin Osman bin Ahmet ğaferalehüm……
Aydın
vilayeti merkezi olan medine-i İzmir de kışla-i hümayunda ahzi asker kalemine
memur alay emini Mehmet Halit Bey İbni Mustafa Ağanın mahdumu zatı tarif şer-i
ile maruf Mustafa Behçet Efendi medine-i mezburede Mahkeme-i İstinaf hukuk
dairesinde makud meclis şer-i şerif enverde bestua ikrar tam ve takrir-i kelam
edip vilayet merkezi olan nefsi Yanya da sakin iken 1321 sene-i maliyesi
şubatın sekizinci tarihinde vefat eden liebeveyni emmim Osman Nuri Efendi İbn i
mumi ileyh Mustafa Ağa hayatında bana terk ve vasiyet eylediği arz ve akar ve
eşya ve nukut ve bil cümle hakkımı mahallinde vazı’ul yed olanlarla lazım
gelenlerden her türlü evrak ve istida ve ledayihi tanzim ve imza ile merciine
bittakdim şeran ve nizamen mehakim aide ve devair-i semiyyenin her kısım ve
derecesinde bidayeten ve istinafen ve iğrazan ve temyizen ve iadeten ve
teshihen şahsı (selase) ve i’tirazül gayr-ı
sıfatla ve sair kaffei sıfatla taleb ve dava ve ahz ve kabz ve ikame-i
şuhuddur ….. ve istihlafına ve neticesinde ilam istihsaliyle mevkii icraya
vaz’ına ve hacz vaz’ ve fekine ve protesto keşidesine ve tebliğ ve tebellüğe ve
ehil habere ve mümeyyiz ve hükmü nasb ve azline ve tedkik-i hat ve hatim ve
imzaya ve ledeyyil-icab bana terk ve vasiyyet olunan bilcümle emvali ……… bey’ ve ferağa ve bil
icare kabz-ı semen ve bedel ve icareye ve konturato tanzimiyle teatiye ve müste’cirlerden icare ve tahliye
davasına ve bey’ olunan emvalin defter-i sami ve esmanını Yanya meclis idare
başkatibi Esad Efendi vasıtasıyla bana irsal ve isale ve hususu mezkurde
hukukumun muhafazası-içün lazım gelen muameleyi icraya vekalet ammeden
mutallakaten sahiha-i şer’iye ile tarafımdan mezkur Yanya da sakin Ahmet
Beyzade Elmas Bey in …kayı kabulüne mevkufe vekil nasb ve ta’yin eyledim dedikte ma vakaa bittaleb ketb olundu fil yevmi samen min saferülhayr
li senete errabi’ vel işrin ve selasemiete ve elf.
(8
Safer 1324)
Müvekkil
muma ileyhin babası muma ileyh Mehmet Halit bey Hacı Mahmut Mahallesi muhtariı
Cemal efendi ibn Ramazan Berber Mehmet Kâzım efendi ibn Ali
TEŞEKKÜR:
Çeviriyi yapan Edirneli değerli Üstad Musa Öncel'e
teşekkürü borç bilirim.
Hiç yorum yok:
Yorum Gönder